CILAKA....



Sab 4 hal.

BODO, BALANGAH, LALAWORA, POHO.

BODO

Matak ge tong hayang 
‘abdi mah rumaos BODO’,
Heueuh siga nu rerendahan,
eta mah ukur alus na sungut
sabab ari nu enya bodo 

mah sok dibobodo dicilakakeun.
 

Matak ulah hayang jadi jalma bodo
tapi kudu geus teu bodo2 acan 

sok sumawoning pinter;


BALANGAH,..
Tumbal ku tong sering belenyah belenyeh.
Sacukupna we;


LALAWORA,
Paliasna turutan haphap.
Ngendag2 memeh luncat
tetepan aya di nafas;


POHO,
Singlar ku ulah loba ngabeungbeurat maneh
ubarna ku tumarima.

wayahnaan

Wayah kieu masih keneh nanaroskeun wayah?
wayah urang iraha?
naha teu can keneh dugi ka wayahna?

Emh..,
sigana tos wayahna urang nengetan deui lengkah,
boa tibabaradug..
sab lumampah sanes dina wayahna;

komo urang teh tos sanes kedah apal
tapi tos wayahna wayahnaan;

Muji sukur nampi nuhun unggal wayah,

da...

sadaya ge teu sagawayah

tapi

sawayahna sawayahna;

sok sanaos moal saban wayah anu urang.

Allahu Akbar 3x
walillah ilhamd.

Jaya Ngarungkaengan?

Sakitu hujan teu eureun,
kahayang budak teh teu pareum
terus hurung murbawisesa.

Ari aing,..
geus diajam tianggalna ge ku hujan teh pugag;

Huleeng..

Aeh…naa babarian?
naa ieu teh cirining geus kurang bahan pakeun ngajadi?
Seuneu kahayang mareuman?

padahal Angin nafas henteu eureun,
Cai getih henteu saat,
Jagat badan henteu surud;

BOA.. jaya rek ngarungkaengan?

sanajan dina biwir mah ngangles
..nanaonan jang ka tiris tiris.

Shalat juma'at

Akur jeung batur ninggalkeun dudunya saheulaaneun,

Neangan rido nu ngamurbeng bari deuih ngabengbreng.


Lulumayana ku nu nareuleu sok disebut taat tur shaleh,

EUSINA mah....

Wallahu alam ngan Allah jeung sorangan nu nyaho.


Enyaan siloka agama bagja pisan para ahli waris,


Shahadatullah,

Shalawatullah,

Hakekatullah,

Kalimatullah.


Rebu rebu nuhun sun,

Teu kaduga nampi ku asta kalih ge...

Kabujeng cisoca mayunan.

Idul fitri…naha bet janten lebaran?


IDUL FITRI&LEBARAN.
Geus (m)unggah di alam puasa (takwa)
turun deui di kajalmaan;

Geus mampuh nahan/eureun shaum
dihaja runtag bobor(an) dibatalan deui;

Geus lubar nu enggeus (sab geus) balik/aya dina fitrahna deui
ayeuna seja ditulisan dirarangkenan deui;

Najan meunang sabulan ngalenteh puasa
nya ayeuna ngalelebar maneh deui ku kanafsuan kajelemaan.

Matak ge, sab geus qadar darma sorangan, dina lebarana ge
meh teu lebar teuing...
hayu euy urang shalat...
urang jadi lawang ampunan, ...

tanjeurkeun rahmat nu angger!

TAKBIRAN

Tanggarakeun euy!.

yen ieu Nungamurbeng
kawasa ngajadikeun nu usik malik
tur ngawenangkeun sakama kama teh
kawasa oge ngatur mulangkeunana;

Nya saenggeus dilembutan ku puasa,
geus wayah dibuka deui bari manjing sakamana sakamana.

Sab kitu darmana,...
dipaehan urang sirna,
diabur kagusur,

dipake?
kawas jalma deui,
Ngan mun jeung kakadalina...
tah eta manusa enya ...

Allahu akbar 3x wa lillahilham.